سۆرانی- بادینی – Kurmancî

زمانی کوردی فێردەبم
زمانی دایک شوناسی نەتەوەییمانە

وەزارەتی پەروەردەی حکومەتی هەرێمی کوردستان لەڕێگەی کۆنفیدراسیۆنی ڕەوەندی کوردستانی لە دەرەوەی وڵات، لەساڵی (٢٠٢٢)ەوە خزمەتگوزاری کۆرسی فێرکردنی زمانی کوردی بەشێوەی ئۆنلاین بۆ کوردستانیانی دیاسپۆرا فەراهەم کردووە، لەمبوارەدا تا ناوەڕاستی ساڵی (٢٠٢٥) سێ کۆرس بە بەشداری (١٠٠٠) هاونیشتیمانی لە وڵاتانی جیاجیاکانی جیهانەوە بەسەرکەوتوویی بەڕێوەچووە، بەشداربووان بڕوانامەی فەرمی وەزارەتی پەروەردەیان پێبەخشراوە.
لە ئێستادا وەزارەتی پەروەردە ئامادەکاری بۆ دەستپێکردنی کۆرسی چوارەم دەکات کە لە (١ / ١٠ / ٢٠٢٥) دەستپێدەکات، وانەکان لەلایەن مامۆستایانی کارامەی زمانی کوردی بە هەرسێ شێوەزاری سۆرانی و بادینی و کرمانجی دەگوترێنەوە.
داوا لەسەرجەم کوردستانیانی دیاسپۆرا دەکەین کە وەک ئەرکێکی پەروەردەیی و نەتەوەیی کەڵک لەم دەرفەتە وەربگرن و منداڵەکانتان لەهەر ئاست و تەمەنێکدابن تۆمار بکەن، گرنگیدانی ئێوەی هێژا بە زمانی شیرینی دایک، زمانی کوردی، ئەرکێکە لەبواری پاراستنی شوناسی نەتەوەییمان.
بۆ تۆمارکردن تکایە ئەو فۆرمە ئەلیکترۆنییەی خوارەوە پڕبکەنەوە.

بادینی
زمانێ کوردی فێردبم
زمانێ دایکێ ناسنامەیا نەتەوەیا مەیە

وەزارەتا پەروەردەیا حکومەتا هەرێما کوردستانێ ب رێکا کۆنفیدراسیۆنا ڕەوەندا کوردستانی ل دەرڤەی وەڵاتی، ژ ساڵا (٢٠٢٢)وەرە خزمەتگوزارییا کۆرسێ فێرکرنا زمانێ کوردی ب شێوەیێ ئۆنلاین بۆ کوردستانیێن دیاسپۆرا تەرخان کرییە، د ئەڤی بواریدا هەتا ناڤەڕاستا ساڵا (٢٠٢٥) سێ کۆرس ب بەشداریکرنا (١٠٠٠) هاوڵاتییان ل وەڵاتێن جودا جودا یێن جیهانێ ب سەرکەفتییانە ب رێڤە چووینە، باوەرنامەیێن فەرمی یێن وەزارەتا پەروەردێ ل سەر بەشداربوویان هاتینە دابەشکرن .
د نوکە دا وەزارەتا پەروەردێ ئامادەکارییان بۆ دەستپێکرنا کۆرسێ چوارێ دکەت کو ل (١ / ١٠ / ٢٠٢٥) دەستپێدکەت، وانە ژ لایێ مامۆستایێن کارامایی یێن زمانێ کوردی ب هەرسێ شێوازێن سۆرانی و بەهدینی و کورمانجی دهێنە گۆتن.
داخوازێ ژ سەرجەم کوردستانیێن دیاسپۆرایێ دکەین وەکی ئەرکەکێ پەروەردەیی و نەتەوەیی مفای ژ ئەڤێ دەرفەتێ وەربگرن و زاڕۆکێن وان ل هەر ئاستەکی و ژیەکی دا بن تۆمار بکەن، گرنگیدانا هەوەیێن هێژا ب زمانێ شرینێ دایکێ، زمانێ کوردی، ئەرکەکە د بوارێ پاراستنا ناسنامەیا نەتەوەیا مە.
بۆ تۆمارکرنێ هیڤییە ئەڤێ فۆرما ئەلیکترۆنی یا خوارێ پڕبکەن.

Kurmancî
Ez fêrî Kurdî dibim.
Zimanê Kurdî nasnameya me ya neteweyî ye.

Wezareta Perwerdehiyê ya Hikûmeta Herêma Kurdistanê (KRG) bi rêya Konfederasyona Zimanê Kurdî Ya Navdewletî, ji sala 2022’an vir ve, ji bo Kurdên li Diyasporayê kursên Zimanê Kurdî yên serhêl peyda dike.
Niha, Wezareta Perwerdehiyê amadekariyên destpêkirina kursa çaremîn dike ku dê di (1/10/2025) de dest pê bike, ders dê ji hêla mamosteyên jêhatî yên Zimanê Kurdî bi (Soranî, Badînî û Kurmancî) werin dayîn.
Em bang li hemû Kurdên li Diyasporayê dikin ku ji vê derfetê wekî erkek perwerdehî û neteweyî sûd werbigirin û zarokên xwe di her ast û temenî de qeyd bikin.
Ji bo qeydkirinê ji kerema xwe forma elektronîkî ya li jêr dagirin.